Friday, 20 January 2017

எந்த உணவுகளை எதனுடன் சேர்த்து சாப்பிட்டால் உடல் எடை குறையும் எனத் தெரியுமா?

இடுப்பளவைக் குறைக்க வேண்டுமானால், சரியான டயட் மற்றும் உடற்பயிற்சியை பின்பற்ற வேண்டியது அவசியம். அதிலும் எடையைக் குறைக்கும் டயட் என்று வரும் போது ஏராளமான டயட்டுகள் உள்ளன. ஆனால் ஒருசில உணவுகளை குறிப்பிட்ட சில உணவுகளுடன் சேர்த்து சாப்பிட்டால், இடுப்பளவைக் குறைக்கலாம்.




எப்படியெனில் இந்த உணவுக் கலவை உடலின் மெட்டபாலிசத்தை அதிகரிக்க உதவும். இதன் காரணமாக தேவையில்லாத கெட்ட கொழுப்புக்களும் வேகமாக கரையும். மேலும் ஆய்வுகளும் இதை நிரூபித்துள்ளன. இங்கு எந்த உணவை எதனுடன் சேர்த்து சாப்பிட்டால், உடல் எடை வேகமாக குறையும் என கொடுக்கப்பட்டுள்ளது.



சோளம் மற்றும் பீன்ஸ் 

சமீபத்திய ஆய்வு ஒன்றில் புரோட்டீன் மற்றும் நார்ச்சத்து நிறைந்த உணவுகள் எடையைக் குறைக்க உதவுவதாக நிரூபிக்கப்பட்டுள்ளது. அதிலும் சோளம் மற்றும் பீன்ஸை ஒன்றாக சாப்பிடும் போது, அது உடல் மெலிவதை மேம்படுத்தும். ஆகவே அடுத்த முறை சோளத்தை வேக வைத்து சாப்பிடும் போது, அத்துடன் பீன்ஸையும் வேக வைத்து ஒன்றாக கலந்து சாப்பிடுங்கள்.



காபி மற்றும் பட்டை

பட்டை கலோரி இல்லாத உணவுப் பொருள். அத்தகைய பட்டையைப் பொடியை காலையில் காபி குடிக்கும் போது சிறிது சேர்த்து கலந்து குடித்தால், கொழுப்புக்களின் தேக்கம் குறைந்து, தொப்பையும் குறையும். எனவே காபி குடிப்பதாக இருந்தால், சிறிது பட்டைத்தூளை சேர்த்து கலந்து குடியுங்கள்.


மிளகாய் மற்றும் சிக்கன் 

உடலின் மெட்டபாலிசத்தை அதிகரிக்க மிளகாய் பெரிதும் உதவியாக இருக்கும். அத்தகைய மிளகாயை சிக்கன் சமைக்கும் போது சேர்த்து சமைத்து சாப்பிட்டால், உடல் எடை வேகமாக குறைய ஆரம்பிக்கும்.




உருளைக்கிழங்கு மற்றும் மிளகு 

பொதுவாக குண்டாக நினைப்பவர்கள் உருளைக்கிழங்கு சாப்பிட்டால் குண்டாகலாம் என்ற கருத்து உள்ளது. ஆனால் அத்தகைய உருளைக்கிழங்குடன் மிளகுத் தூள் சேர்த்து சாப்பிட்டால், உடலின் மெட்டபாலிசம் தூண்டப்பட்டு, உடலில் உள்ள கொழுப்புக்கள் குறையும்.



பூண்டு மற்றும் மீன் 

ஒமேகா-3 கொழுப்பு அமிலங்கள் நிறைந்த மீன், உடலில் உள்ள ட்ரைகிளிசரைடுகளின் அளவைக் குறைக்கும் மற்றும் உட்காயங்களைச் சரிசெய்யும். அத்தகைய மீனை பூண்டு சேர்த்து சமைத்து சாப்பிட்டால், அது உடலின் மெட்டபாலிசத்தை அதிகரித்து, கொழுப்பு செல்களைக் கரைக்கும்.



டார்க் சாக்லேட் மற்றும் ஆப்பிள் 

ஆம், எடையைக் குறைக்க டார்க் சாக்லேட் உதவும். இதற்கு அதில் உள்ள ஆன்டி-ஆக்ஸிடன்ட்டுகள் தான் காரணம். அது தான் உடலில் உள்ள அதிகப்படியான கொழுப்புக்களைக் கரைப்பதோடு, இரத்த சர்க்கரை அளவைக் குறைக்கிறது. அத்தகைய டார்க் சாக்லேட்டை ஆப்பிளுடன் சேர்த்து சாப்பிட்டால், இன்னும் வளமான அளவில் கொழுப்புக்கள் கரையும்.

முடி வளர்ச்சியை பாதிக்கும் காரணங்கள் மற்றும் நீங்கள் செய்ய வேண்டியவை !!

ஆண்களுக்கும் சரி பெண்களுக்கும் சரி முடி அடர்த்தியாகவும்,அழகாகவும் இருக்க வேண்டும் என்ற ஆசை உண்டு.முடியை சுத்தமாகவும்,ஆரோக்கியமாகவும் பராமரிக்க வேண்டும்.

முடியை எப்படி பராமரிப்பது என்று தெரியாமலேயே சிலர் முடியின் பொழிவை அழிக்கின்றனர்.நமக்கே தெரியாமல் நாம் செய்யும் சில தவறுகள் முடியின் பொலிவை 

அழிக்கின்றது.


முடி உதிர்தல், பொடுகு போன்ற காரணங்களால் சிலர் தூக்கத்தையும் தொலைக்கின்றனர்.உங்கள் தவறுகளை திருத்தி முடி வளர நீங்கள் செய்ய வேண்டியவைகள் என்ன தெரியுமா? தொடர்ந்து படியுங்கள்.

1.முடியை சுத்தம் செய்யும் முறை:

நம்மில் பலர் மார்க்கெட்டில் கிடைக்கும் அதிக கெமிக்கல் உள்ள ஷாம்பு உபயோகிக்கின்றனர்.இந்த வகை ஷாம்பு முடியை சுத்தம் செய்து பளபளப்பாகவும்,வளர்ச்சியை தூண்டும் என்று நம்புகின்றனர்.

ஆனால் இது தவறு இதற்கு பதிலாக இயற்கையான அதிக கெமிக்கல் கலக்காத ஷாம்பூ உபயோகிக்கலாம்.இது முடியை சுத்தமாகவும், ஆரோக்கியமானதாகவும் வைக்கிறது.


2.ஈர முடியில் சீப்பு உபயோகித்தல்: 

ஈரமான தலையில் சீப்பு உபயோகிப்பதன் மூலம் நல்ல ஆரோக்கியமான மற்றும் புதிதாக வளரும் முடிகள் கூட ஸ்கல்ப்பில் இருந்து உதிர்ந்து விடும்.


3.புளோ ட்ரயிங் (Blow drying): 

முடியை உலர்த்துவதற்கு நவீன முறையில் கருவிகள் உபயோகிக்கின்றனர் (Hair dryer).இந்த கருவிகள் முடியை சீர்படுத்த முடியாத பாதிப்பிற்கு உள்ளாக்குகிறது.மென்மையான டவல் கொண்டு முடியை உலர்த்தலாம்.

4.முடிச் சாயம் : 

முடிக்கு விதவிதமான கலர்களில் சாயங்கள்,ஜெல்,கிரீம் போன்ற அதிகப்படியான கெமிக்கல் கலந்த பொருள்கள் உபயோகிப்பதன் மூலம் முடியின் ஆரோக்கியம் கெடும்.இவை அனைத்தையும் தவிர்த்தாலே போதுமானது.



5.கண்டிஷனரை தவிர்த்தல்: 
முடியை ஈரப்பதமாகவும்,பளபளப்பாகவும் வைப்பதற்கு நல்ல தரமான கண்டிஷனர் உபயோகப்படுத்த வேண்டும்.

வெளியிடங்களுக்கு செல்லும்போது மாசுகள் மூலம் முடி அதிக அளவு பாதிப்படைவதை கண்டிஷனர் உபயோகிப்பதன் மூலம் தடுக்கலாம்.

6.நீளமான முடி: 

நீளமான முடி அழகாக இருக்கும் ஆனால் ஸ்கல்ப்-ல் அதிக அழுத்தத்தை ஏற்படுத்தி முடி உதிர்வை ஏற்படுத்தும்.நீளமான முடிக்கு பராமரிப்பு மிகவும் முக்கியமானது.முடியை சீராக வெட்டி தினமும் அலசி பராமரிக்க வேண்டும்.

தலைமுடி உதிர்வதைத் தடுத்து, அதன் வளர்ச்சியை தூண்ட வேண்டுமா? அப்ப இத ட்ரை பண்ணுங்க...

இதுவரை தலைமுடி உதிர்வதைத் தடுக்க உதவும் ஏராளமான வழிகளைப் பற்றி படித்திருப்பீர்கள் மற்றும் முயற்சியும் செய்திருப்பீர்கள். ஆனால் கீழே கொடுக்கப்பட்டுள்ள ஹேர் பேக் தலைமுடி உதிர்வதைத் தடுத்து, தலைமுடியின் வளர்ச்சியைத் தூண்டும். குறிப்பாக இந்த ஹேர் பேக் செய்வதற்கு நம் வீட்டு சமையலறையில் உள்ள பொருட்களே போதும்.

சரி, இப்போது தலைமுடி உதிர்வதைத் தடுத்து, அதன் வளர்ச்சியைத் தூண்ட உதவும் ஹேர் பேக் குறித்து காண்போம். அதைப் படித்து முயற்சித்து நன்மைப் பெறுங்கள்.

தேவையான பொருட்கள்: 

1. வாழைப்பழம் - 2

2. முட்டை மஞ்சள் கரு - 1 


3. எலுமிச்சை சாறு - 1 டீஸ்பூன்

செய்முறை: முதலில் வாழைப்பழத்தை கையால் நன்கு மசித்துக் கொள்ள வேண்டும். பின் அத்துடன் முட்டையின் மஞ்சள் கரு மற்றும் எலுமிச்சை சாற்றினை சேர்த்து நன்கு கலந்து கொள்ள வேண்டும்

பயன்படுத்தும் முறை #1 

தயாரித்து வைத்துள்ள ஹேர் பேக்கை, ஸ்கால்ப் மற்றும் தலைமுடியின் முனை வரை நன்கு தடவிக் கொள்ள வேண்டும்.

பயன்படுத்தும் முறை #2 

பின்பு பிளாஸ்டிக் கவர் அல்லது ஷவர் கேப் கொண்டு தலையை நன்கு சுற்றி, 40 நிமிடம் ஊற வைக்க வேண்டும். 

பயன்படுத்தும் முறை #3 

இறுதியில் தலைக்கு ஷாம்பு பயன்படுத்தி, வெதுவெதுப்பான நீரால் தலைமுடியை நன்கு அலச வேண்டும். 

குறிப்பு இந்த ஹேர் பேக்கை வாரத்திற்கு ஒரு முறை பயன்படுத்தி வந்தால், தலைமுடி உதிர்வது படிப்படியாக குறைந்து, அதன் வளர்ச்சியில் ஒரு நல்ல மாற்றத்தைக் காணலாம்.

Wednesday, 18 January 2017

வாயில் உள்ள பாக்டீரியாக்களை அழித்து, வாய் துர்நாற்றத்தைத் தடுக்கும் ஓர் அற்புத வழி!

தற்போது பலரும் அவஸ்தைப்படும் ஒரு பிரச்சனை தான் வாய் துர்நாற்றம். இந்த வாய் துர்நாற்றத்தைத் தடுக்க எத்தனையோ மௌத் வாஷ்கள் கடைகளில் விற்கப்பட்டாலும், அவற்றில் ஆல்கஹால் இருப்பதால், தினமும் உபயோகப்படுத்தும் போது, பற்களைக் கடுமையாக பாதிக்கும். 


எனவே வாய் துர்நாற்றத்தைத் தடுக்க கண்ட கண்ட மௌத் வாஷ்களைப் பயன்படுத்துவதற்கு பதிலாக, வீட்டிலேயே கெமிக்கல் இல்லாத மௌத் வாஷ்களைத் தயாரித்துப் பயன்படுத்தி வாருங்கள். இங்கு வாய் துர்நாற்றத்தைப் போக்கும் நேச்சுரல் மௌத் வாஷை எப்படி தயாரிப்பதென்று கொடுக்கப்பட்டுள்ளது.



ஸ்டெப் #1 

ஒரு கண்ணாடி ஜாரில் 1 கப் நீரை ஊற்றிக் கொள்ள வேண்டும்.

ஸ்டெப் #2 

பின் அதில் 1/2 கப் ஆப்பிள் சீடர் வினிகர் சேர்த்துக் கொள்ள வேண்டும். வினிகரில் உள்ள அசிட்டிக் அமிலம், கெட்ட பாக்டீரியாக்களை அழிக்கும்.

ஸ்டெப் #3 

3-4 கிராம்பை எடுத்து அரைத்து பொடி செய்து கொள்ள வேண்டும். பின் 1 டீஸ்பூன் கிராம்பு பொடியை எடுத்து கலவையுடன் கலந்து கொள்ள வேண்டும்.

ஸ்டெப் #4 

பின்பு 5 துளிகள் புதினா எண்ணெயை சேர்த்து கலந்து கொள்ள வேண்டும். இதனால் புதினா வாயை புத்துணர்ச்சியுடன் வைத்துக் கொள்ளும்.

ஸ்டெப் #5 

அடுத்து சில துளிகள் எலுமிச்சை சாற்றினை சேர்த்து கலந்து கொள்ளவும். இதனால் எலுமிச்சையில் உள்ள சிட்ரிக் அமிலம், பற்களில் உள்ள கறைகளைப் போக்கி, வெண்மையாக வைத்துக் கொள்ளும்.

ஸ்டெப் #6 

இறுதியில் கண்ணாடி பாட்டிலை மூடி குளிர்ச்சியான மற்றும் ஈரப்பதமில்லா இடத்தில் ஒரு வாரம் ஊற வைக்கவும். பின் அந்த கலவையை வடிகட்டினால், நேச்சுரல் மௌத் வாஷ் ரெடி! 




ஸ்டெப் #7 

ஒவ்வொரு முறை மௌத் வாஷைப் பயன்படுத்தும் போதும், நன்கு குலுக்கி பின்பே பயன்படுத்த வேண்டும்.


குறிப்பு 

இந்த மௌத் வாஷ் கொண்டு வாயைக் கொப்பளித்த பின், நீரால் வாயைக் கழுவ வேண்டிய அவசியம் இல்லை.

Thursday, 5 January 2017

உங்களுக்கு முடி வளரவே மாட்டீங்குதா? அப்ப இத கொண்டு மசாஜ் செய்யுங்க...

தலையில் முடி நன்கு அடர்த்தியாகவும் இருந்தால் தான், அது அழகான தோற்றத்தைக் கொடுக்கும். பெண்களுக்கு எடுத்துக் கொண்டால், தலைமுடி நீளமாக இருக்க வேண்டும். ஆண்களுக்கு தலையில் நீளமாக இல்லாவிட்டாலும், தலையில் கொஞ்சமாவது முடி இருக்க வேண்டும்.

ஆனால் தற்போதைய மோசமான சுற்றுச்சூழல் மற்றும் கெமிக்கல் நிறைந்த தலைமுடி பராமரிப்பு பொருட்களால், முடி வலுவிழந்து உதிர ஆரம்பிக்கிறது. தலைமுடியின் ஆரோக்கியத்தை அதிகரிக்கவும், அதன் வளர்ச்சியைத் தூண்டவும் இயற்கை வைத்தியங்கள் கைக் கொடுக்கும்.

இங்கு தலைமுடி நன்கு அடர்த்தியாகவும், நீளமாகவும் வளர உதவும் ஓர் அற்புத வழி கொடுக்கப்பட்டுள்ளது. அதைப் படித்து பின்பற்றினால், ஒரே வாரத்தில் தலைமுடி நன்கு வளர்வதைக் காணலாம்.

ஸ்டெப் #1 

முதலில் 5-6 உருளைக்கிழங்கை எடுத்து, தோலுரித்துக் கொள்ள வேண்டும்.


ஸ்டெப் #2 

பின் அதை மிக்ஸியில் போட்டு அரைத்து, மஸ்லின் துணி பயன்படுத்தி வடிகட்டிக் கொள்ள வேண்டும்.


ஸ்டெப் #3

பின்பு தயாரித்து வைத்துள்ள உருளைக்கிழங்கு சாற்றினை ஸ்கால்ப்பில் படும்படி நன்கு மசாஜ் செய்ய வேண்டும்.

ஸ்டெப் #4

 30 நிமிடம் கழித்து, தலைமுடியை நீரில் நன்கு அலச வேண்டும். ஒருவேளை தலைமுடி எண்ணெய் பசையுடன் இருந்தால், மைல்டு ஷாம்பு பயன்படுத்தி அலசுங்கள்.

குறிப்பு 

இச்செயலை வாரத்திற்கு ஒருமுறை பின்பற்றி வந்தால், தலைமுடி நன்கு வளர்வதுடன், முடி நன்கு பொலிவோடும், நல்ல நறுமணத்துடனும் இருக்கும்.

வெள்ளையாவதற்கு சந்தனத்தை எப்படியெல்லாம் பயன்படுத்த வேண்டும் எனத் தெரியுமா?

முகம் ரொம்ப கருப்பா இருக்கா? அல்லது எப்போதும் முகம் பொலிவிழந்து காணப்படுகிறதா? அப்படியெனில் முகத்திற்கு உடனடியாக பராமரிப்பு கொடுக்க ஆரம்பியுங்கள். அதுவும் ஃபேஸ் பேக், ஃபேஷியல் என்று செய்யுங்கள். இதனால் சருமத் துளைகளில் உள்ள அழுக்குகள் முழுமையாக வெளியேற்றப்பட்டு, சருமத்தின் பொலிவும் அதிகரிக்கும்.



அதிலும் சந்தனத்தைக் கொண்டு முகத்திற்கு ஃபேஸ் பேக் போட்டு வந்தால், முகத்தில் உள்ள கருமை நீங்கி, முகம் வெள்ளையாகவும், பொலிவோடும், பிரகாசமாகவும் இருக்கும். இங்கு வெள்ளையாவதற்கு சந்தனத்தை எப்படியெல்லாம் பயன்படுத்த வேண்டும் என கொடுக்கப்பட்டுள்ளது.



சந்தனம் & பால்

சந்தனப் பவுடரை பால் சேர்த்து பேஸ்ட் செய்து, முகத்தில் தடவி நன்கு காய்ந்த பின், கழுவ வேண்டும். இதனால் முகத்தில் உள்ள அழுக்குகள் வெளியேற்றப்பட்டு, முகம் பொலிவோடு இருக்கும்.



சந்தனம் & கற்றாழை 

கற்றாழை ஜெல்லில் 1 டேபிள் ஸ்பூன் சந்தனப் பொடியை சேர்த்து கலந்து பேஸ்ட் செய்து கொள்ள வேண்டும். பின் முகத்தில் தடவி உலர வைத்துக் கழுவ வேண்டும். இதனால் வெயிலால் பாதிக்கப்பட்ட சருமம் குணமாகும்.


சந்தனம் & மஞ்சள் 

சந்தனப் பவுடர் மற்றும் மஞ்சள் தூளை ஒன்றாக கலந்து, அதை பால் அல்லது தயிர் சேர்த்து பேஸ்ட் செய்து, முகத்தில் தடவி காய வைத்து கழுவ, முகம் பிரகாசமாக இருக்கும்.



சந்தனம் & வேப்பிலை 

பருக்கள் அதிகம் உள்ளவர்கள், சந்தனப் பொடி மற்றும் வேப்பிலைப் பொடியை நீர் சேர்த்து பேஸ்ட் செய்து, முகத்தில் தடவி உலர வைத்து கழுவினால், அதில் உள்ள பாக்டீரியல் தன்மை, பருக்களைப் போக்கி, முகத்தைப் பொலிவாக்கும்.


சந்தனம் & ரோஸ் வாட்டர் 

சந்தனப் பொடியை ரோஸ் வாட்டர் சேர்த்து பேஸ்ட் செய்து, முகத்திற்கு மாஸ்க் போட்டால், முகம் பிரகாசமாகவும், புத்துணர்ச்சியுடனும் இருக்கும். அதிலும் இதை தினமும் முகத்திற்கு போட்டு வந்தால், விரைவில் நல்ல பலன் கிடைக்கும்.



சந்தனம் & கடலை மாவு 

சருமத்தில் உள்ள இறந்த செல்களை வெளியேற்ற ஸ்கரப் செய்ய வேண்டும். அதிலும் சந்தனப் பொடியுடன், கடலை மாவை சேர்த்து, பால் ஊற்றி பேஸ்ட் செய்து, 20-30 நிமிடம் கழித்து தேய்த்து கழுவ, முகம் அழகாக ஜொலிக்கும்.