Saturday, 22 April 2017

இந்த டீயை குடிச்சா, முகப்பரு எப்பவுமே வராது தெரியுமா?


நாம் இதுவரை முகப்பரு வந்த பின்பு தான், அதைப் போக்க உதவும் வழிகளை முயற்சிப்போம். ஆனால் வருமுன் காப்பதே மேல் என்னும் பழமொழிக்கேற்ப, முகப்பரு வராமலிருக்க என்ன செய்ய வேண்டும் என்பதை தெரிந்து கொண்டு, அதைப் பின்பற்றுவதே புத்திசாலித்தனம். இக்கட்டுரையில் முகப்பரு வராமலிருக்க உதவும் தேநீர் பானங்கள் பட்டியலிடப்பட்டுள்ளன. அவற்றை தினமும் ஒரு டம்ளர் குடித்து வந்தால், முகப்பரு வருவதைத் தடுத்து, சருமத்தின் ஆரோக்கியத்தை மேம்படுத்தலாம்

புதினா டீ
புதினா டீயில் உள்ள மருத்துவ குணங்கள், பருக்கள் வருவதற்கு ஓர் காரணமான டெஸ்டோஸ்டிரோன் போன்ற ஆன்ட்ரோஜென்களைக் குறைத்து, பருக்கள் வராமல் தடுக்கும். எனவே உங்களுக்கு ஏற்கனவே பருக்கள் அதிகம் வருமாயின், புதினா டீயை தினமும் ஒரு டம்ளர் குடியுங்கள்.


க்ரீன் டீ 
க்ரீன் டீயில் உள்ள ஆன்டி-ஆக்ஸிடன்ட்டுகள், சருமத்திற்கு நல்ல பாதுகாப்பை வழங்கும். அதிலும் தினமும் 2 கப் க்ரீன் டீயைக் குடித்து வந்தால், முகப்பரு பிரச்சனையே இருக்காது. மேலும் க்ரீன் டீ தயாரித்து எஞ்சிய இலைகளை சருமத்தில் தடவி மென்மையாக ஸ்கரப் செய்து வந்தால், சருமம் இன்னும் பிரகாசமாக இருக்கும்.

சீமைச்சாமந்தி டீ 
சீமைச்சாமந்தி டீயில் சாந்தப்படுத்தும் பண்புகள் உள்ளது. இதைக் குடித்தால், மன அழுத்தத்தால் பருக்கள் வருவது தடுக்கப்படும். மேலும் சீமைச்சாமந்தியில் அழற்சி எதிர்ப்பு பண்புகள் உள்ளது. இது பருக்களின் பெருக்கத்தைக் கட்டுப்படுத்தும்.



சாப்பன் மர டீ 
இந்த டீ கேரளாவில் மிகவும் பிரபலமானது. இந்த டீ தயாரிக்கத் தேவையான சாப்பன் மரப்பட்டையானது ஆயுர்வேத கடைகளில் கிடைக்கும். பிங்க் நிறத்தில் இருக்கும் இந்த டீ பருக்களைத் தடுப்பதோடு, கோடையில் உடல் சூட்டையும் குறைக்கும்.

Thursday, 16 March 2017

காதுக்குள் இருக்கும் பருக்களால் அவஸ்தையா? அதை போக்கும் எளிய வழிகள்...

இந்த காலத்தில் முகப்பரு என்பது அனைவரும் எதிர்கொள்ளும் ஒரு பொதுவான சரும பிரச்சனைகளில் ஒன்று. பரு என்றாலே முகத்தில் தான் வரும் என்று எந்த ஒரு சட்டமும் இல்லை. பரு என்பது முகத்தைத் தவிர காதுகளுக்கு உள்ளேயும் வரும். காதுகளுக்கு உள்ளே ஏற்படும் பரு, முகத்தில் ஏற்படுவதை விட வேதனையை அதிகமாகவே தரக்கூடும்.

காதுகளில் பரு வந்தால் அதை எப்படி போக்குவது என்ற குழப்பம் இருக்கத் தான்செய்யும். இதை கவனிக்காமல் விட்டால் பருக்கள் பரவுவதற்கும் வாய்ப்பு உண்டு.

வாருங்கள், இப்போது நாம் காதுக்கு உள்ளே ஏற்படும் பருக்களைப் போக்குவதற்கான சில எளிய வழிகளைப் பற்றி பார்ப்போம்...


தண்ணீர் : 

தண்ணீரைக் கொண்டு காதுகளைக் கழுவுவதால் காதுகளில் உள்ள அழுக்குகள் மற்றும் கிருமிகளைப் போக்கி நோய் தொற்றுகளை அழித்துவிடும்.

ஆல்கஹால் இல்லாத சோப்பைக் கொண்டு கழுவினால் அது காதை முழுமையாக சுத்தம் செய்து பருக்களை ஒழித்துவிடும். நாள் ஒன்றுக்கு 2 அல்லது 3 முறை இதை செய்தால் காதுக்குள் பரு ஏற்படுவதை தடுத்துவிடலாம்.



ஹைட்ரஜன் பெராக்ஸைடு 

ஹைட்ரஜன் பெராக்ஸைடு காதிகளில் உள்ள பருக்களை அழிக்க உதவுகிறது. ஒரு பஞ்சு உருண்டையில் ஹைட்ரஜன் பெராக்ஸைடை தொட்டு காதில் உள்ள பருக்களின் மீது சிறிது நேரம் வைத்திருங்கள்.


பாக்டீரியாக்கள் மற்றும் அழற்சி உருவாக்கக்கூடிய கிருமிகளை அழித்து பருக்களை சீக்கிரம் ஆற வைத்து இருந்த தடம் தெரியாமல் மறையச் செய்துவிடும்.



ஆல்கஹால் 

ஆல்கஹாலை ஒரு சிறிய பஞ்சு உருண்டையில் தொட்டு பருக்களின் மீது வைக்க வேண்டும். இது பருக்களை சீக்கிரம் ஆற வைத்து மேற்கோண்டு பரு பரவாமல் தடுக்கிறது. ஒரு நாளைக்கு 2 முதல் 3 முறை இதை செய்யலாம்.


துளசி இலைகள் 

சிறிது துளசி இலைகள் எடுத்து நசுக்கி சாறு எடுத்து, அந்தச் சாற்றை பஞ்சில் தொட்டு காதில் உள்ள பருக்களின் மீது தடவுங்கள். சிறிது நேரம் அதை உலர விட வேண்டும்.

பின்னர், சுத்தமான தண்ணீரில் கழுவிட வேண்டும். இதனை நாள் ஒன்றுக்கு 2 அல்லது 3 முறை இதை ட்ரை செய்யதால் சுலபமாக போக்கி விடலாம்.


க்ரீன் டீ பைகள் 

க்ரீன் டீக்களில் உள்ள அதிகபடியான ஆன்டிஆக்ஸிடன்ட்கள் மற்றும் நோய் தொற்றுகளை நீக்கும் பண்புகள் பருக்களை விரைவில் நீக்க உதவுகிறது.



விட்ச் ஹாசல் ஆயில் சிறிது விட்ச் ஹாசல் ஆயிலை தேங்காய் எண்ணெயுடன் கலந்து வைத்துக் கொள்ளுங்கள். இந்தக் கலவையை பஞ்சில் தொட்டு காதில் உள்ள பருக்களில் தடவி சுத்தம் செய்ய வேண்டும்.

விட்ச் ஹாசல் ஆயிலில் ஆன்டிஆக்ஸிடன்ட்கள், வைரஸ் எதிர்ப்புகள் மற்றும் கிருமிநாசினிகள் அதிக அளவில் உள்ளது. எனவே, இதுவும் நல்ல பலன் தரும்.



முகப்பரு கிரீம் முகப்பரு கிரீமை உபயோகிப்பது மற்றொரு முக்கிய சிகிச்சை முறையாகும். முகப்பரு கிரீமில் 2% முதல் 10% வரை பென்சோயில் பெராக்சைடு உள்ளது. பென்சோயில் பெராக்சைடு பருக்களை விரைவாக ஆற வைத்து பரவாமல் தடுக்கி உதவுகிறது. நீங்கள் 10% க்ளைகோலிக் ஆசிட் கிரீமை கூட பருக்களைப் போக்க பயன்படுத்தலாம்.

ரோஜா நிறம் பெற வீட்டிலேயே ஒரு செய்முறை - உடனடி பலன் !!

சருமம் மென்மையாகவும், இளமையாகவும், மினுமினுப்பாகவும் இருப்பதை யாவருமே விரும்புவார்கள். எதுவும் தனிச்சையாகவே மாறாது. முறையான பராமரிப்பு கொடுத்தால் சருமம் போஷாக்கு பெற்று அழகுற ஜொலிக்கும்.

இளமையான சருமம் பெற நீங்கள் ரோஜாவை பயன்படுத்துவது முக்கியம். இது இளமையான சருமம் மட்டுமல்லாது ஜொலிஜொலிப்பையும் தரும். ரோஜாவைக் கொண்டு ஒரு செய்முறை உங்களுக்காக கொடுக்கப்பட்டுள்ளது. உபயோகப்படுத்தி பயன்பெறுங்கள்.


தேவையானவை : 
ரோஜா இதழ் - 5 
பால் - 1 கப் 
கிளீசரின் - 2 ஸ்பூன் 
ரோஸ் வாட்டர் - 2 ஸ்பூன்


செய்முறை : 

ரோஜா இதழ்களை பிரித்தெடுத்து அவற்றை நன்றாக கழுவிக் கொள்ளுங்கள்.


செய்முறை : 
பின் அதனை பாலில் 6 மணி நேரம் ஊற வைக்க வேண்டும். இப்போது பாலின் நிறம் மாறியிருக்கும். உள்ளிருக்கும் இதழ்களை நன்றாக மசித்தால் பாலின் நிறம் இன்னும் அடர்த்தியாகும்.



செய்முறை : 
இப்போது அதனுடன் 2 ஸ்பூன் கிளீசரின் மற்றும் 2 ஸ்பூன் வினிகர் கலக்குங்கள்.


செய்முறை : 

இதனை சில நிமிடங்கள் ஃப்ரிட்ஜில் வைத்து அதன் பின் உபயோகிக்கவும். இதனை ஒரு பஞ்சினால் நனைத்து முகத்தில் தடவி காய்ந்ததும் தேய்த்து கழுவுங்கள்.


நன்மைகள் : 

இந்த கலவை சருமத்தில் இருக்கும் அழுக்குகளை நீக்கி சுத்தம் செய்யும். தகுந்த ஈரப்பதம் அளித்து சுருக்கமில்லா சருமத்தை உண்டாக்கும். உபயோகப்படுத்திப் பாருங்கள். உடனடியான பலன் கிடைக்கும்.

சளியால் மூக்கு ஓரமா காயமாகி இருக்கா? அதைப் போக்க இதோ சில வழிகள்!

தற்போது காலநிலை மோசமாக உள்ளதால், பலருக்கும் சளி பிடித்து அரும்பாடுபட்டுக் கொண்டிருக்கின்றனர். சளி பிடித்தால், உடலில் உள்ள ஆற்றல் குறைவதோடு, மூக்கு ஒழுகுவதால் மூக்கின் ஓரங்களில் வறட்சியும், காயங்களும் ஏற்படும்.

ஆகவே சளி பிரச்சனையில் இருந்து விடுபடவும், அழகு பாழாகாமல் இருக்கவும் ஒருசில எளிய வழிகளைத் தமிழ் போல்ட் ஸ்கை கீழே கொடுத்துள்ளது. அதைப் படித்து பின்பற்றி நன்மைப் பெறுங்கள்.

கற்றாழை ஜெல் 

கற்றாழை ஜெல் மிகவும் சிறப்பான மருத்துவ குணம் நிறைந்த ஒரு மாய்ஸ்சுரைசர். இதனை மூக்கின் ஓரங்களில் தடவினால், சளியினால் ஏற்படும் வெடிப்புக்கள் மற்றும் வறட்சி நீங்கும்.


ஆலிவ் ஆயில் சளியினால் 

மூக்கின் ஓரங்களில் வறட்சியால் ஏற்படும் வெடிப்புக்களை மாய்ஸ்சுரைசர் பயன்படுத்துவதன் மூலம் தடுக்கலாம். அதற்கு கெமிக்கல் கலந்த மாய்ஸ்சுரைசரைப் பயன்படுத்தாமல், ஆலிவ் ஆயிலைப் பயன்படுத்துங்கள்.


சோப்புக்கள்/சுடுநீர் வேண்டாம் 

சளி பிடித்தால், பலரும் குடிக்கவும் சரி, முகத்தைக் கழுவவும் சரி சுடுநீரைத் தான் பயன்படுத்துவோம். ஆனால் மிகவும் சூடான நீருடன், சோப்புக்களைப் பயன்படுத்தினால், சருமத்தில் உள்ள எண்ணெய் முழுமையாக நீக்கப்பட்டு, வறட்சி இன்னும் அதிகரிக்கத் தான் செய்யும். ஆகவே இந்த தவறைச் செய்யாதீர்கள்.


மூக்கை அதிகம் தேய்க்காதீர்கள் 

சளி பிடித்திருக்கும் போது, துணியால் கடுமையாக மூக்கைத் துடைக்கவோ, தேய்க்கவோ செய்யாதீர்கள். இதனால் அவ்விடத்தில் காயங்கள் தான் அதிகரிக்கும்.



யூகலிப்டஸ் ஆயில் 

வைட்டமின் ஈ எண்ணெயை யூகலிப்டஸ் எண்ணெயுடன் சேர்த்து கலந்து, மூக்கின் மேல் தடவினால், மூக்கைச் சுற்றி ஏற்படும் வறட்சி தடுக்கப்படுவதோடு, யூகலிப்டஸ் எண்ணெய் சளியில் இருந்து விடுவிக்கவும் செய்யும்.

Monday, 13 February 2017

முகத்தில் அசிங்கமாக குழிகள் உள்ளதா? அதைப் போக்க இதோ சில வழிகள்!

முகப்பரு, கரும்புள்ளிகளைப் போன்றே ஏராளமானோர் அவஸ்தைப்படும் பிரச்சனை தான், முகத்தில் அசிங்கமாக மேடு பள்ளங்கள் இருப்பது. இதனால் நிறைய பேர் மேக்கப் மூலம் அந்த அசிங்கமான சருமத்துளைகளை மறைத்து வருகின்றனர். எத்தனை நாள் தான் இப்படி மேக்கப் மூலம் முகத்தில் இருக்கும் விரிவடைந்த சருமத் துளைகளை மறைத்துக் கொண்டிருப்பீர்கள்.

இதற்கு என்று ஒரு நிரந்தர தீர்வு இல்லையா என்று பலரும் வருத்தப்படுவதுண்டு. அத்தகையவர்களுக்கு இக்கட்டுரை மிகவும் உபயோகமாக இருக்கும். ஏனெனில் இக்கட்டுரையில் முகத்தில் இருக்கும் அசிங்கமான மேடு பள்ளங்களை மறைக்கும் சில வழிகள் கொடுக்கப்பட்டுள்ளன.


வழி #1 

முட்டையின் வெள்ளைக்கருவுடன் சிறிது எலுமிச்சை சாற்றினை சேர்த்து கலந்து, முகத்தில் தடவி 20 நிமிடம் ஊற வைத்து, பின் கழுவ வேண்டும். இதனால் விரிவடைந்த சருமத்துளைகள் சுருங்க ஆரம்பிக்கும்.

வழி #2 

தக்காளியை அரைத்து, அத்துடன் சில துளிகள் எலுமிச்சை சாற்றினை சேர்த்து கலந்து, முகத்தில் தடவி 20 நிமிடம் கழித்து, முகத்தைக் கழுவ வேண்டும். இதனாலும் முகத்தில் உள்ள மேடு பள்ளங்கள் மறையும்.


வழி #3 

2 டேபிள் ஸ்பூன் அன்னாசிப் பழச்சாற்றுடன், சில துளிகள் எலுமிச்சை சாற்றினை சேர்த்து கலந்து, ஒரு சுத்தமான காட்டன் துணியை அக்கலவையில் ஊற வைத்து, பின் அந்த துணியை முகத்தில் விரித்து 10 நிமிடம் கழித்து கழுவ வேண்டும்.



வழி #4 

இரவில் படுக்கும் முன் சிறிது பாதாமை நீரில் ஊற வைத்து, மறுநாள் காலையில் அரைத்து பேஸ்ட் செய்து, அத்துடன் சிறிது எலுமிச்சை சாற்றினை சேர்த்து கலந்து, முகத்தில் தடவி 20 நிமிடம் ஊற வைத்து, பின் வெதுவெதுப்பான நீரில் கழுவ வேண்டும்.


வழி #5 

ஆப்பிள் சீடர் வினிகரை சரிசம அளவிலான நீரில் கலந்து, ஒரு பஞ்சுருண்டையைப் பயன்படுத்தி, முகத்தில் தடவி சில நிமிடங்கள் கழித்து குளிர்ந்த நீரில் கழுவ வேண்டும். இப்படி தினமும் இரவில் படுக்கும் முன் செய்து வந்தால், ஓர் நல்ல மாற்றத்தைக் காணலாம்.

ஆரோக்கியமான முடி வளர்ச்சி வேணும்னா இந்த சீக்ரெட்டை ஃபாலோ பண்ணுங்க!!

உடலின் அனைத்து பாகங்களைப் போலவே முடியின் ஆரோக்கியத்திற்கும்,அடர்த்தியான வளர்ச்சிக்கும் உணவும் ஒரு அடிப்படை காரணம் ஆகும். ஒரே ஒரு வித்தியாசம் என்னவென்றால் முடி நமது உடலின் வெளிப்பகுதியில் இருப்பதால் முடி அடர்த்தியாக,நீளமாக வளர்வதற்கு மயிர்கால்களுக்கு உணவு வழங்க வேண்டும்.


சருமத்தை போன்றே முடியும் சில உணவுக் கட்டுப்பாட்டின் மூலம் சேதம் ஏற்படுகிறது ஏனெனில் உடலுக்கு போதுமான அனைத்து ஊட்டச்சத்துக்களும் கிடைக்காமல் போவதே காரணம். என்ன ஒன்று சருமத்தின் பாதிப்பு உடனடியாகத் தெரியும்.

ஆனால் முடி வளர்ச்சியில் ஏற்படும் பாதிப்பு தென்பட கொஞ்ச நாட்கள் ஆகும்.சீரற்ற உணவு (அ) ஆரோக்கியமற்ற வாழ்க்கை முறை முடியின் எண்ணிக்கையைக் குறைத்து அடர்த்தியைக் குறைக்கிறது.



ஆரோக்கியமற்ற முடிக்கு சில காரணங்கள்: 

அதிகப்படியான புகை. அளவுக்கதிகமாக மது அருந்துதல், முடியை சுத்தமாக பராமரிக்காமல் இருப்பது.



உணவுகள் : 

நிறைய உணவுகள் ஆரோக்கியமான முடி வளர்ச்சிக்கு உதவுகின்றன.ஆரோக்கியமான அனைத்து உணவுகளும் முடியின் வளர்ச்சிக்கு உதவாது.முடியின் வளர்ச்சிக்கு என்ன ஊட்டச்சத்து தேவை என தெரிந்து கொள்ள வேண்டும்.

அந்த ஊட்டச்சத்து நிறைந்த உணவுகளை தினமும் சேர்க்க வேண்டும்.முடியின் வளர்ச்சிக்கு தேவையான ஊட்டச்சத்து புரதம் ஆகும்.புரதம் நிறைந்த உணவு அதிகம் எடுப்பதால் முடி அதிக வலிமையாகவும்,எளிதில் உடையாததாகவும் வளர்கிறது.



புரதம் நிறைந்த உணவுகள்: 

முட்டை, பாதாம் , ஓட்ஸ், பாலாடைக்கட்டி, தயிர், பால் ,ப்ரோக்கோலி, மீன் வகைகள் அனைத்தும், பயறு வகைகள், இறால் வேர்க்கடலை .


ஸ்கால்ப் : 

ஆரோக்கியமான முடிக்கு ஸ்கால்ப்-பும் ஆரோக்கியமாக இருக்க வேண்டும்.ஏனெனில் இந்த ஸ்கால்ப்-பில் தான் பொடுகு போன்றவை ஏற்படும்.ஸ்கால்ப்பை ஆரோக்கியமாக வைப்பதற்கு இரும்புச்சத்து,வைட்டமின்-இ மற்றும் சில அத்தியாவசியமான கனிமங்கள் (காப்பர்,செலினியம்,மெக்னீசியம்) தேவை.

விட்டமின் டி : 

வைட்டமின்-டி யும் அத்தியாவசியமான ஒன்று.வைட்டமின்-டி சூரிய ஒளியில் கிடைக்கிறது.ஆனால் அதிகப்படியான சூரிய ஒளியினால் முடி சேதமடைய வாய்ப்பு உள்ளது.அதிக புரதம்,வைட்டமின்-இ மற்றும் கனிமங்கள் நிறைந்த உணவுகள் சால்மன் மீன்,முட்டை,கீரை ஆகியவை ஆகும்.



முடியை எப்படி பராமரிக்க வேண்டும்? 

வாரம் ஒருமுறை (அ) இருமுறை முடியை அலச வேண்டும். முடியை அலச கெமிக்கல் இல்லாத சீகைக்காயை உபயோகிக்கலாம்.ஷாம்பூ உபயோகிப்பவர் எனில் சல்பேட் இல்லாத ஷாம்பூ பயன்படுத்த வேண்டும். ஈரமான முடியில் சீப்பு உபயோகிப்பதை தவிர்க்கவும்.


பித்த வெடிப்பு அசிங்கமா தெரியுதா? இப்படி செஞ்சு பாருங்க!!

ஒருவரின் அழகை கெடுப்பதற்கு பாதத்தில் உண்டாகும் வெடிப்பு போதுமானது. க்ரீம் போட்டு நிரந்தரமாக போகாது. அவ்வப்போது பராமரிப்பு அதர வேண்டும். அதிகப்படியான உடல் சூடும் வெடிப்பை அதிகப்படுத்தும். வெடிப்பை போக்க இந்த குறிப்புகளை பயன்படுத்திப் பாருங்கள். பயனளிக்கும்.


நன்னாரி : 

நன்னாரிவேர் 10 கிராம் எடுத்து ஒரு டம்ளர் நீரில் கொதிக்க வைத்து பாதியாக குறையும்போது அதனை வடிகட்டி வைக்கவும். அதனுடன் பனங்கற்கண்டு சேர்த்து குடித்தால் வெடிப்பு மறையும்.


கரிசலாங்கண்ணி : 

வெள்ளை கரிசலாங்கண்ணி இலையை பொடி செஞ்சு, ஒரு சிட்டிகை தேன் சேர்த்து, ஒரு மண்டலம் சாப்பிட்டு வந்தாலும் பித்தவெடிப்பு சரியாகும்.


பப்பாளி பழம் : 

பப்பாளி பழத்தை மசித்து அதனுடன் எலுமிச்சை சாறு கலந்து பாதங்களில் தேயுங்கள். காய்ந்ததும் கழுவுங்கள். காலை மாலை தினமும் செய்துவந்தால் பாதங்கள் மிருதுவாகும். வெடிப்பும் மறையும்.



உருளைக் கிழங்கு : 

உருளைக்கிழங்கை அரைத்து தண்ணீரில் குழைத்து பூசி வந்தால் வெடிப்பு மறைந்து, வெடிப்பினால் ஏற்பட்ட கருமை நீங்கி, பாதம் மிளிரும்.


வெங்காயம் : 

வெங்காயத்தை வதக்கி அரைத்துக் கொள்ளுங்கள். இதனை கால் பாதங்களில் தடவி வந்தால் கால் வெடிப்பு மறையும்.

Friday, 20 January 2017

எந்த உணவுகளை எதனுடன் சேர்த்து சாப்பிட்டால் உடல் எடை குறையும் எனத் தெரியுமா?

இடுப்பளவைக் குறைக்க வேண்டுமானால், சரியான டயட் மற்றும் உடற்பயிற்சியை பின்பற்ற வேண்டியது அவசியம். அதிலும் எடையைக் குறைக்கும் டயட் என்று வரும் போது ஏராளமான டயட்டுகள் உள்ளன. ஆனால் ஒருசில உணவுகளை குறிப்பிட்ட சில உணவுகளுடன் சேர்த்து சாப்பிட்டால், இடுப்பளவைக் குறைக்கலாம்.




எப்படியெனில் இந்த உணவுக் கலவை உடலின் மெட்டபாலிசத்தை அதிகரிக்க உதவும். இதன் காரணமாக தேவையில்லாத கெட்ட கொழுப்புக்களும் வேகமாக கரையும். மேலும் ஆய்வுகளும் இதை நிரூபித்துள்ளன. இங்கு எந்த உணவை எதனுடன் சேர்த்து சாப்பிட்டால், உடல் எடை வேகமாக குறையும் என கொடுக்கப்பட்டுள்ளது.



சோளம் மற்றும் பீன்ஸ் 

சமீபத்திய ஆய்வு ஒன்றில் புரோட்டீன் மற்றும் நார்ச்சத்து நிறைந்த உணவுகள் எடையைக் குறைக்க உதவுவதாக நிரூபிக்கப்பட்டுள்ளது. அதிலும் சோளம் மற்றும் பீன்ஸை ஒன்றாக சாப்பிடும் போது, அது உடல் மெலிவதை மேம்படுத்தும். ஆகவே அடுத்த முறை சோளத்தை வேக வைத்து சாப்பிடும் போது, அத்துடன் பீன்ஸையும் வேக வைத்து ஒன்றாக கலந்து சாப்பிடுங்கள்.



காபி மற்றும் பட்டை

பட்டை கலோரி இல்லாத உணவுப் பொருள். அத்தகைய பட்டையைப் பொடியை காலையில் காபி குடிக்கும் போது சிறிது சேர்த்து கலந்து குடித்தால், கொழுப்புக்களின் தேக்கம் குறைந்து, தொப்பையும் குறையும். எனவே காபி குடிப்பதாக இருந்தால், சிறிது பட்டைத்தூளை சேர்த்து கலந்து குடியுங்கள்.


மிளகாய் மற்றும் சிக்கன் 

உடலின் மெட்டபாலிசத்தை அதிகரிக்க மிளகாய் பெரிதும் உதவியாக இருக்கும். அத்தகைய மிளகாயை சிக்கன் சமைக்கும் போது சேர்த்து சமைத்து சாப்பிட்டால், உடல் எடை வேகமாக குறைய ஆரம்பிக்கும்.




உருளைக்கிழங்கு மற்றும் மிளகு 

பொதுவாக குண்டாக நினைப்பவர்கள் உருளைக்கிழங்கு சாப்பிட்டால் குண்டாகலாம் என்ற கருத்து உள்ளது. ஆனால் அத்தகைய உருளைக்கிழங்குடன் மிளகுத் தூள் சேர்த்து சாப்பிட்டால், உடலின் மெட்டபாலிசம் தூண்டப்பட்டு, உடலில் உள்ள கொழுப்புக்கள் குறையும்.



பூண்டு மற்றும் மீன் 

ஒமேகா-3 கொழுப்பு அமிலங்கள் நிறைந்த மீன், உடலில் உள்ள ட்ரைகிளிசரைடுகளின் அளவைக் குறைக்கும் மற்றும் உட்காயங்களைச் சரிசெய்யும். அத்தகைய மீனை பூண்டு சேர்த்து சமைத்து சாப்பிட்டால், அது உடலின் மெட்டபாலிசத்தை அதிகரித்து, கொழுப்பு செல்களைக் கரைக்கும்.



டார்க் சாக்லேட் மற்றும் ஆப்பிள் 

ஆம், எடையைக் குறைக்க டார்க் சாக்லேட் உதவும். இதற்கு அதில் உள்ள ஆன்டி-ஆக்ஸிடன்ட்டுகள் தான் காரணம். அது தான் உடலில் உள்ள அதிகப்படியான கொழுப்புக்களைக் கரைப்பதோடு, இரத்த சர்க்கரை அளவைக் குறைக்கிறது. அத்தகைய டார்க் சாக்லேட்டை ஆப்பிளுடன் சேர்த்து சாப்பிட்டால், இன்னும் வளமான அளவில் கொழுப்புக்கள் கரையும்.

முடி வளர்ச்சியை பாதிக்கும் காரணங்கள் மற்றும் நீங்கள் செய்ய வேண்டியவை !!

ஆண்களுக்கும் சரி பெண்களுக்கும் சரி முடி அடர்த்தியாகவும்,அழகாகவும் இருக்க வேண்டும் என்ற ஆசை உண்டு.முடியை சுத்தமாகவும்,ஆரோக்கியமாகவும் பராமரிக்க வேண்டும்.

முடியை எப்படி பராமரிப்பது என்று தெரியாமலேயே சிலர் முடியின் பொழிவை அழிக்கின்றனர்.நமக்கே தெரியாமல் நாம் செய்யும் சில தவறுகள் முடியின் பொலிவை 

அழிக்கின்றது.


முடி உதிர்தல், பொடுகு போன்ற காரணங்களால் சிலர் தூக்கத்தையும் தொலைக்கின்றனர்.உங்கள் தவறுகளை திருத்தி முடி வளர நீங்கள் செய்ய வேண்டியவைகள் என்ன தெரியுமா? தொடர்ந்து படியுங்கள்.

1.முடியை சுத்தம் செய்யும் முறை:

நம்மில் பலர் மார்க்கெட்டில் கிடைக்கும் அதிக கெமிக்கல் உள்ள ஷாம்பு உபயோகிக்கின்றனர்.இந்த வகை ஷாம்பு முடியை சுத்தம் செய்து பளபளப்பாகவும்,வளர்ச்சியை தூண்டும் என்று நம்புகின்றனர்.

ஆனால் இது தவறு இதற்கு பதிலாக இயற்கையான அதிக கெமிக்கல் கலக்காத ஷாம்பூ உபயோகிக்கலாம்.இது முடியை சுத்தமாகவும், ஆரோக்கியமானதாகவும் வைக்கிறது.


2.ஈர முடியில் சீப்பு உபயோகித்தல்: 

ஈரமான தலையில் சீப்பு உபயோகிப்பதன் மூலம் நல்ல ஆரோக்கியமான மற்றும் புதிதாக வளரும் முடிகள் கூட ஸ்கல்ப்பில் இருந்து உதிர்ந்து விடும்.


3.புளோ ட்ரயிங் (Blow drying): 

முடியை உலர்த்துவதற்கு நவீன முறையில் கருவிகள் உபயோகிக்கின்றனர் (Hair dryer).இந்த கருவிகள் முடியை சீர்படுத்த முடியாத பாதிப்பிற்கு உள்ளாக்குகிறது.மென்மையான டவல் கொண்டு முடியை உலர்த்தலாம்.

4.முடிச் சாயம் : 

முடிக்கு விதவிதமான கலர்களில் சாயங்கள்,ஜெல்,கிரீம் போன்ற அதிகப்படியான கெமிக்கல் கலந்த பொருள்கள் உபயோகிப்பதன் மூலம் முடியின் ஆரோக்கியம் கெடும்.இவை அனைத்தையும் தவிர்த்தாலே போதுமானது.



5.கண்டிஷனரை தவிர்த்தல்: 
முடியை ஈரப்பதமாகவும்,பளபளப்பாகவும் வைப்பதற்கு நல்ல தரமான கண்டிஷனர் உபயோகப்படுத்த வேண்டும்.

வெளியிடங்களுக்கு செல்லும்போது மாசுகள் மூலம் முடி அதிக அளவு பாதிப்படைவதை கண்டிஷனர் உபயோகிப்பதன் மூலம் தடுக்கலாம்.

6.நீளமான முடி: 

நீளமான முடி அழகாக இருக்கும் ஆனால் ஸ்கல்ப்-ல் அதிக அழுத்தத்தை ஏற்படுத்தி முடி உதிர்வை ஏற்படுத்தும்.நீளமான முடிக்கு பராமரிப்பு மிகவும் முக்கியமானது.முடியை சீராக வெட்டி தினமும் அலசி பராமரிக்க வேண்டும்.