Saturday, 13 August 2016

முகத்தை இளமையாக்கும் ஆளி விதை மாஸ்க் !!

அந்தந்த பருவத்தில் உண்டாகும் மாற்றங்களை எப்போதும் மாற்றமுடியாது. செயற்கையாக மறைத்தாலும் அது நீடிக்காது. தொடர்ந்து செயற்கைப்படுத்திக் கொண்டேயிருக்க வேண்டும். 50 வயதினில் முதுமையில் உண்டாகும் சுருக்கங்களையும் நரைகளையும் ரசிக்கலாம். அது தனி அழகை தரும்.



ஆனால் முப்பதுகளிலேயே வரும் சுருக்கங்களையும் நரைகளையும் ஏளனத்துடன்தான் எல்லாரும் பார்ப்பார்கள். காரணம் உங்களது தவறான வாழ்க்கை முறைதான். ஆரோக்கியமற்ற உணவுகளை சாப்பிடுவது, மது, ரசாயனம் கலந்து அழகு சாதனங்கள், போதிய நீர் குடிக்காமலிருப்பது ஆகியவைகளை சொல்லலாம்.


இளமையில் முதுமையான தோற்றம் உண்மையில் வருத்தப்படத்தான் வைக்கும். மனம் சோர்ந்து போகாமல் இந்த குறிப்பை உபயோகிப்படுத்திப் பாருங்க. உங்களுக்கு மிகவும் பயனைத் தரும்.


தேவையானவை:
தேன் - 1 ஸ்பூன்
ஆளி விதை - 1 ஸ்பூன்
யோகார்ட் - 1 ஸ்பூன்.


ஆளி விதையை பொடி செய்து அதனுடன் தேன்,. யோகார்ட் கலந்து முகம் கழுத்து ஆகியவற்றில் தடவுங்கள். மேல் நோக்கி மெதுவாய் மசாஜ் செய்ய வேண்டும். அரை மணி நேரம் கழித்து கழுவுங்கள்.

யோகார்ட் இறந்த செல்களை வெளியேற்றிவிடும். ஆளிவிதை சுருக்கங்களை போக்கி சரும இறுக்கத்தை தரும்.


அதேபோல் தேன் ஈரப்பதம் அளித்து, சுருக்கங்களை போக்கி, இளமையான மென்மையான சருமம் தரும். இந்த மூன்றின் கலவையில் சருமம் உயிர் பெறும். வாரம் மூன்று நாட்கள் செய்து பாருங்கள். நல்ல பலன்களை தரும்.

புது அம்மாவிற்கான அன்னாசி ஸ்க்ரப் !!

பெண்களின் அழகு எல்லா சமயத்திலும் ஒரே மாதிரி வைத்திருப்பது எளிதல்ல. ஒவ்வொரு சமயத்திலும் ஒவ்வொரு மாதிரி அவர்களின் அழகு பிரதிபலிக்கும். காரணம் அவர்களின் உடலமைப்பு.

பொதுவாகவே மாதவிடாய் சமயத்தில் பெண்களின் அழகு அதிகரிக்கும். சருமம் பளபளப்பாக, புது தேஜஸை தரும் விதமாக மின்னும். சரியாக மாதவிடாய் முடிந்து 10 நாட்களுக்கு பிறகு சருமம் பொலிவில்லாமல் தொய்ந்து போவது போலிருக்கும். இது எல்லாமே ஹார்மோன் செய்யும் மாயம்தான்.


அதேபோல், குழந்தை பிறந்ததும் சம நிலையற்ற ஹார்மோன்களால சிலருக்கு முகம் உழுவதும் கருமைடைந்துவிடும். இதற்கு காரணங்கள் இல்லை. கழுத்துப் பகுதியும் முகமும் கருப்பாகி, முகப்பருக்கள் திடீரென் அதிகரித்திற்கும்.

வறண்ட சருமம் இருப்பவர்களுக்கு எண்ணெய் சருமமாக மாறும். இப்படி அழகே மாறிவிட்டதே என கவலைப் படாதீர்கள்.
அந்த நேரத்தில் தாய்மை என்ற அழகை விட வேறோன்றும் பெரிதில்லை. அந்த மாதிரியான சமயங்களில் நீங்கள் இழந்த சருமத்தை மீண்டும் எளிதில் பெற உதவுகிறது இங்கே கூறப்பட்டுள்ள அழகுக் குறிப்பு.



அன்னாசி ஸ்க்ரப் :

அன்னாசி துண்டுகள் - 1 கப்
வாழைப்பழம் - அரை துண்டு
சர்க்கரை - 1 கப்
தேங்காய் எண்ணெய் - 1 கப்
ரோஜா இதழ் - சில


அன்னாசியை மிக்ஸியில் அரைத்து அதனுடன் வாழைப்பழத்தையும் சேர்த்து மசித்துக் கொள்ளுங்கள். இதனுடன் சர்க்கரை, தேங்காய் என்ணெய் கலந்து நன்றாக கலக்கி அதன் மேல் ரோஜா இதழை தூவி வைத்துக் கொள்ளுங்கள்.

குளிப்பதற்கு முன் இந்த கலவையை உடல் முழுவதும் தேய்த்து 10 நிமிடம் ஊற விடவும். பின்னர் வெதுவெதுப்பான நீரில் குளியுங்கள்.

இதனை தொடர்ந்து உபயோகித்து வந்தால், உடலில் திடீரென உண்டான கருமை மறைந்து மிருதுவாக மாறும். செய்து பாருங்கள். புதிய அம்மாவிற்கான அழகு உங்கள் தோற்றத்திலும் தெரியும்.

பலவீனமான முடியை வலிமையாக்க உதவும் சில அட்டகாசமான எளிய வழிகள்!

தற்போது முடி பிரச்சனை பெரும் பிரச்சனையாக உள்ளது. அதில் தலை முடி உதிர்வதில் இருந்து, பேன், பொடுகு, முடி வெடிப்பு, முடி வறட்சி என்று சொல்ல ஆரம்பித்தால், பட்டியலிட்டுக் கொண்டே போகலாம். பொதுவாக தலைமுடியில் இவ்வளவு பிரச்சனை ஏற்படுவதற்கு மோசமான சுற்றுச்சூழல் மட்டுமின்றி, நமது மோசமான பழக்கவழக்கங்களும் தான் காரணம்.

ஆனால் இந்த பிரச்சனைகளைப் போக்கி, தலைமுடியின் ஆரோக்கியத்தை மேம்படுத்தும் சில அட்டகாசமான எளிய வழிகள் கீழே கொடுக்கப்பட்டுள்ளன. அந்த வழிகளை பின்பற்றி வந்தால், தலைமுடியின் ஆரோக்கியம் மேம்பட்டிருப்பதை நீங்களே காண்பீர்கள்.



Tuesday, 9 August 2016

இமைகளை அடர்த்தியாக வளரச் செய்யும் எண்ணெய் !!

சிறிய கண்களுக்கு கச்சிதமா அழகு சேர்க்கும் பெரிய இமைகள். நிறைய பேருக்கு கண்கள் பெரியதாக இருக்கும். ஆனால் இமைகள் போதிய வளர்ச்சி இருக்காது. இது ஒரு குறையாக தெரியும். இமைகள் நீண்டு அழகாக வளர ஒரு அழகு குறிப்பு உங்களுக்காக இங்கே காத்திருக்கிறது.

செயற்கை இமைகள் கண்களுக்கு பாதுகாப்பானது அல்ல. கண்களில் இருக்கும் சருமம் மிகவும் மென்மையானது. இந்த செயற்கை இமைகள் அலர்ஜி, அரிப்பு, தடிப்பை ஏற்படுத்தும்.

அதே போல், அடர்த்தியாக தெரிய வேண்டுமென்பதற்காக மஸ்காரா சிலர் போடுவார்கள். அதுவும் தினம் உகந்தது அல்ல. இயற்கையாக இமைகளுக்கு போஷாக்கு அளித்திடுங்கள் எண்ணெயின் மூலம்.


இங்கே கொடுத்திருக்கும் எண்ணெய் கண்களின் முடியின் வேர்க்கால்களை தூண்டி, நீண்டு வளரச் செய்யும். எப்படி அதனை செய்வது என பார்க்கலாம்.

தேவையானவை ;
விளக்கெண்ணெய் - 1 டீ ஸ்பூன்
ஈமு எண்ணெய் - 1 டீ ஸ்பூன்
தேங்காய் எண்ணெய் - அரை டீ ஸ்பூன்
விட்டமின் ஈ எண்ணெய் - 2 கேப்ஸ்யூல்

இந்த எண்ணெய்கள் அதிகமாக ஆன்டி ஆக்ஸிடென்டுகள் நிறைந்தவை. எந்த தீங்கும் விளைவிக்காதவை. விளக்கெண்ணெய் அடர்த்தியாக இமைகளை வளர்ச் செய்யும். ஈமு எண்ணெய் இமைகளுக்கு பலமும் போஷாக்கும் தரும். தேங்காய் எண்ணெய் மற்றும், விட்டமின் ஈ ஈரப்பததை அளித்து, கண்களை மென்மையாக்கும்.

செய்முறை :

மேற்கூறிய எல்லா எண்ணெய்களையும் கலந்து ஒரு பாட்டிலில் ஊற்றி வைத்துக் கொள்ளுங்கள். இது ஒரு வருடம் வரை வைத்து உபயோகிக்கலாம். தினமும் தூங்குவதற்கு முன் இந்த எண்ணெயை கண் இமை மற்றும் புருவத்திலும் தடவி இதமாக மசாஜ் செய்யவும். ஒரு மாதத்திலேயே வித்யாசம் காண்பீர்கள்.



பிரசவத்தினால் உண்டாகும் ஸ்ட்ரெச் மார்க்கை மறையச் செய்யும் மேங்கோ பட்டர் !!

தோலிற்கு அடியிலிருக்கும் டெர்மிஸ் அடுக்கு விரியும்போது கொழுப்புகள் படிந்து அதற்கேற்றவாறு தசைகள் விரிந்து நெகிழ்வுத்தன்மை தரும். ஆனால் சட்டென்று தசை சுருங்கும்போது, டெர்மிஸ் உடைந்து போவதால், அங்கே தழும்புகள் உண்டாகின்றன.

இது கர்ப்பிணிகள் எல்லாரும் ஏற்படும். தவிர்க்க முடியாதது. அதேபோல், உடல் பருமனானவர்கள் தங்கள் எடையை குறைக்கும்போதும், தோள்பட்டை, தொடை, ஆகிய பகுதிகளில் இவ்வாறு ஸ்ட்ரெச் மார்க் உண்டாகும்.

இதனை கர்ப்ப காலத்திலேயே ஓரளவு தடுக்கமுடியும். எப்படியென்றால், சருமத்திற்கு நெகிழ்வுத்தன்மை தரும்போது, அவ்வாறு டெர்மிஸ் அடுக்கு உடையாமல் தழும்புகளை வரவிடாமல் தடுக்கும்.

கர்ப்ப காலத்தில் விட்டமின் ஈ எண்ணெய், நல்லெண்ணெய் அல்லது ஆலிவ் எண்ணெயில் மஞ்சள் தடவிக் கொண்டு வந்தால் இதனை தடுக்கலாம்.



மார்பகங்களுக்கு அடியில் கருமையாக உள்ளதா? அதைப் போக்க இதோ சில வழிகள்!

நம் உடலின் குறிப்பிட்ட பகுதி மற்ற பகுதிகளை விட சற்று கருமையாக இருக்கும். அதில் கை, கால்களை எடுத்துக் கொண்டால், சூரியக்கதிர்களின் அதிகப்படியான தாக்கம் தான் காரணம்.
\அதுவே உடலின் சில பகுதிகளான அக்குள், மார்பகங்களுக்கு அடிப்பகுதி, கழுத்து போன்றவையும் கருமையாக இருக்கும். இதற்கு அப்பகுதியில் மடிப்புக்கள், உராய்வு, அதிகளவு வியர்வை வெளியேறுவது மற்றும் வேறுசில காரணங்களாக இருக்கும்.

இப்போது நாம் பார்க்கப் போவது, மார்பகங்களின் அடிப்பகுதியில் உள்ள கருமையைப் போக்க உதவும் சில இயற்கையான வழிகள் கொடுக்கப்பட்டுள்ளன. அதைப் படித்து பின்பற்றி, கருமையை நீக்குங்கள்.



Monday, 8 August 2016

முகத்தில் எண்ணெய் வழிந்து கருமையாக காட்சியளிப்பதைத் தடுக்க சில டிப்ஸ்....

முன்பெல்லாம் கோடைக்காலத்தில் மட்டும் தான் வெயிலின் தாக்கம் அதிகம் இருந்தது. ஆனால் இப்போதோ அனைத்து காலங்களிலும் வெயில் கொளுத்துவதால், சரும பிரச்சனைகளும் நீடித்து அழகு பாழாகிக் கொண்டே போகிறது. மேலும் எந்நேரமும் முகத்தில் எண்ணெய் வழிந்தவாறும் இருக்கிறது. இதனால் முகம் கருமையாக காட்சியளிக்கும்.

இதனைத் தடுக்கவே முடியாதா என்று பலர் கேட்கலாம். நிச்சயம் முகத்தில் எண்ணெய் அதிகம் வழிவதைத் தடுக்க ஏராளமான இயற்கை வழிகள் உள்ளன. இங்கு அவற்றில் சக்தி வாய்ந்த மற்றும் விரைவில் பலன் தரக்கூடிய சில இயற்கை வழிகள் கொடுக்கப்பட்டுள்ளன. அதைப் படித்து பின்பற்றி உங்கள் அழகை அதிகரித்துக் கொள்ளுங்கள்.


தேங்காய் பாலைக் கொண்டு எப்படி முடி வளர்ச்சியை அதிகப்படுத்தலாம்

அழகான கூந்தலை இயற்கையாகவே சிலர் பெற்றிருப்பார்கள். ஆனால் அதனை ஒழுங்காக பராமரிப்பது ஒருகலை. அழகியலில் கூந்தல் அழகும் இடம்பெற்றுள்ளதுதானே. கூந்தல் வளர்ச்சி என்பது எல்லா சமயங்களிலும் ஒரே மாதிரி இருக்காது. குளிர்காலத்தில் வறட்சியினால் கூந்தல் இயற்கையாகவே உதிரும்.



வெயில் காலத்தில் பிசுபிசுப்பு பொடுகு அதிகம் உண்டாகும். மழைகாலத்தில் பூஞ்சை தொற்று அரிப்பு உண்டாகும். ஆனால் இவற்றையெல்லாம் சமாளித்து உங்கள் கூந்தலுக்கு அழகு தர உங்கள் கையில்தான் அல்லது உங்கள் சமையலறையில்தான் உள்ளது. அது தேங்காய் பால்.

தேங்காப்பாலில் அதிக புரோட்டின் உள்ளது. கூடவே இரும்பு சத்தும் மெங்கனீசும் உண்டு. கூந்தல் வளர்ச்சிக்கு இது போதாதா? இவை கூந்தலை வளரச் செய்யும் என்பதை விட, கூந்தல் வளர்ச்சியை தூண்டும். பளபளக்க வைக்கும். அதைவிட மிக மென்மையான கூந்தலை தரும்.




தேவையானவை :

தேங்காய் பால் - முடிக்கேற்ப
முட்டை - 1
ஆலிவ் எண்ணெய் - கால் கப்
தேங்காய் எண்ணெய் - கால் கப்
அ) விளக்கெண்ணெய்


முதலில் எடுக்கும் திக்கான தேங்காய்பாலில் முட்டை ஊற்றி அடித்துக் கொள்ளுங்கள். இந்த கலவையில் ஆலிவ் மற்றும் தேங்காய் எண்ணெயை கலந்து தலையில் குறிப்பாக ஸ்கால்ப்பில் தேய்க்கவும்.




வேர்க்கால்களிலிருந்து, நுனி வரை தேய்த்து, 45 நிமிடங்கள் ஊற விடவும். பின்னர் தலையை வெதுவெதுப்பான நீரில் அடர்த்தி குறைவான ஷாம்புவை உபயோகித்து அலசவும்.

வாரம் ஒருமுறை செய்து பாருங்கள். முடிஉதிர்தல் நின்று, அடர்த்தியாகவும், மிருதுவாகவும் கூந்தல் வளர்வதை பார்ப்பீர்கள். 



உங்க தொடை கருப்பா இருக்கா? அதைப் போக்க இதோ சில எளிய வழிகள்!

சிலருக்கு தொடையில் கருமையாக இருக்கும். குறிப்பாக குண்டாக இருப்பவர்களின் தொடைகள் அதிகம் உராய்வதாலும், இறுக்கமான உடைகளை அணிவதாலும், திடீர் ஹார்மோன் மாற்றங்களாலும், தொடையில் உள்ள சருமம் கருமையாகிறது. இருப்பினும் இப்படி கருமையாகும் தொடைச் சருமத்தை போக்கலாம்.

அக்குள் ரொம்ப கருப்பா இருக்கா..? அதை போக்க இதோ சில வழிகள்!!!

அதுவும் ஒருசில எளிய இயற்கை பொருட்களைக் கொண்டே, தொடையில் உள்ள கருமையைப் போக்கலாம். சரி, இப்போது தொடையில் இருக்கும் கருமையைப் போக்கும் சில எளிய இயற்கை வழிகள் என்னவென்று பார்ப்போம்.

கழுத்து, அக்குள், அந்தரங்க பகுதியில் உள்ள கருமையைப் போக்க வேண்டுமா?





வாய்ப்பகுதியை சுற்றியிருக்கும் கருமையை எப்படி போக்கலாம்?

சருமம் நிறமாக இருந்தாலும், வாயை சுற்றிலும் சிலருக்கு கருமையாக இருக்கும், அதேபோல் நாடியும் கருப்பாகியிருக்கும். நீங்கள் மேக்கப் போட்டு மறைத்தாலும் அந்த இடம் மட்டும் அடர்ந்த நிறத்தில் தெரியும்.

கன்னம் நெற்றியை காட்டிலும், வாயின் அருகேயும், கண்களுக்கு அடியிலும் மிகவும் மென்மையான சருமம் இருக்கும். சூரிய ஒளி படும்போது அங்கே மெலனின் ஹார்மோன் விரைவில் தூண்டப்பட்டு கருமையடையச் செய்துவிடும்.


இதனை போக்குவது மிக சுலபம். ஆனால் நீங்கள் கண்டுகொள்ளாமல் விட்டுவிட்டால் இறந்த செல்கள் அங்கே குவிந்து, அந்த கருமையை போகவிடாமல் செய்துவிடும். ஆகவே அவ்வப்போது அந்த கருமையை நீக்க பிரயத்தனப்படுங்கள்.

இயற்கையாக ப்ளீச் செய்யும் பொருட்கள்தான் பெஸ்ட் சாய்ஸ். தயிர், எலுமிச்சை, மோர் ஆகியவை கருமையை நீக்கும். இல்லை அதெல்லாம் ட்ரை பண்ணியாச்சு யூஸ் இல்லன்னு சொல்றவங்க இந்த குறிப்பை உபயோகப்படுத்துங்க. நிச்சயம் பலனளிக்கும்.



ஓட்ஸ் மாஸ்க் :
தேவையானவை :
ஓட்ஸ் - 1 டீ ஸ்பூன்
தக்காளி சாறு - 1 டீ ஸ்பூன்
தயிர் - அரை டீ ஸ்பூன்

தக்காளி பெரிய துவாரங்களை சுருக்க செய்யும். அழுக்குகள் செல்கள் தங்காது. அதோடு நிறத்தையும் வெளுக்கச் செய்யும் குணமுண்டு. தயிர் ஈரப்பதத்தை அளிக்கும், கருமையையும் நீக்கும். ஓட்ஸ் இறந்த செல்களை நீக்கும் இயற்கையான ஸ்க்ரப். சுருக்களை நீக்கி முகத்தை பொலிவுறச் செய்யும்.



ஓட்ஸை பொடி செய்து அதனுடன் தக்காளி சாற்றினையும், தயிரையும் கலந்து முகத்தில் குறிப்பாக வாயை சுற்றிலும் போடுங்கள். 15 நிமிடங்கள் கழித்து, குளிர்ந்த நீரில் கழுவுங்கள். விரைவில் பலன் கிடைக்க, வாரம் மூன்று முறையாவது போடுங்கள்.

എന്തുകൊണ്ടാണ്‌ പുരുഷന്മാര്‍ക്ക്‌ സ്‌ത്രീകളെ പേടിയാകുന്നതെന്നറിയാമോ, ഇതിനു പുറകില്‍ ചില വാസ്‌തവങ്ങളുണ്ട്‌. ഇവയെക്കുറിച്ചറിയൂ,

சிலருக்கு கூந்தல் நீண்டு இடுப்புக்கும் கீழே தவழும். பார்க்க பொறாமை மட்டும்தான் பட முடியும். என்ன முட்டினாலும் கூந்தல் வளரவில்லையே என ஏக்கம் சூழ்ந்துள்ள நிறைய பெண்கள் உள்ளார்கள்.





அதற்கு காரணம் கூந்தலின் வேர்கால்கள் போதிய அளவிற்கு தூண்டப்படாமல் இருப்பதுதான். திரி தூண்ட எப்படி எண்ணெய் தேவையோ, அப்படி வேர்கால்களையும் தூண்டிவிட்டால் கூந்தல் வளர்ச்சி ஆரம்பிக்கும். முடி உதிர்தல் ஒருபுறம், குச்சி போன்று கூந்தல் ஒருபுறம் என கவலைப்படுவதை விட்டுவிட்டு இன்றே கூந்தலை பராமரிக்க முனைந்திடுங்கள்.

நீங்கள் கூந்தல் வளர நிறைய அழகுக் குறிப்புகளை பயன்படுத்தியிருப்பீர்கள். ஆனால் அவை சரியாக உபயோகமாகவில்லை என நினைக்கிறீர்களா?

அப்படியென்றால் நீங்கள் பொறுமையிழந்து உங்கள் முயற்சியினை பாதியிலேயே விட்டிருப்பீர்கள். காரணம் கூந்தல் வளர்ச்சி ஒரு சமயத்தில் திடீரென நின்று போயிருக்கும். இனி வளராது என நினைத்திருப்பீர்கள்


ஆனால் கூந்தல் திரும்பவும் வளர சிறிது காலம் தேவைப்படுகிறது. ஏனெனில் ஒவ்வொருவருக்கும் ஒவ்வொருமாதிரி மரபணுக்கள் கொண்டிருக்கும். ஆகவே முயற்சியை தளர விடாமல் இந்த குறிப்பினை தொடர்ந்து வாரம் ஒருமுறை பயன்படுத்துங்கள். ஒன்றன்பின் ஒன்றாக முடி உதிர்தல் குறைந்து, அடர்த்தி உண்டாகி, முடி நீளமாக வளர்வதை காண்பீர்கள்.

இஞ்சி எண்ணெய் :
தேவையானவை :

இஞ்சி - பெரிய துண்டு
எலுமிச்சை - 1
நல்லெண்ணெய் - 1 கப்


இஞ்சி சற்றே பெரிய துண்டை எடுத்து தோல் நீக்கி துருவி அதிலிருந்து சாறெடுத்து வைத்துக் கொள்ளுங்கள்.

இந்த சாற்றில் தோராயமாக 1 எலுமிச்சை பழச் சாறு மற்றும் நல்லெண்ணெய் கூந்தலுக்கேற்ப எடுத்து, இவற்றுடன் கலக்கி எடுத்துக் கொள்ளுங்கள்.


இந்த கலவையை தலையில் தேய்த்து, மசாஜ் செய்து அரை மணி நேரம் ஊற விடுங்கள். பின்னர் கூந்தலை அலசலாம்.



இந்த எண்ணெய் ரத்த ஓட்டத்தை அதிகரிக்கச் செய்யும். கூந்தலின் வேர்க்கால்களுக்கு பலம் தரும். மிருதுவான நீளமான கூந்தல் நாளடைவில் கிடைக்கும்.

Monday, 1 August 2016

சருமத்தில் கொலாஜனை அதிகரிக்கச் செய்யும் ஃபேஸியல் மாஸ்க் :

உடலில் கொலாஜன் உற்பத்தியாகிக் கொண்டேயிருந்தாலும், குறிப்பிட்ட வயதில் இதன் உற்பத்தி குறைந்துவிடும். இதனால் சீக்கிரம் சுருக்கங்கள் வந்துவிடும். போஷாக்கின்றி சரும வயதாவது தொடங்கி விடும்.

கொலாஜன் உற்பத்தி குறைவதற்கு தவறான உணவுபழக்கம், ஹார்மோன் மாற்றம், மன அழுத்தம் ஆகியவை காரணங்களாகும்.



கொலாஜன் உற்பத்தியை அதிகரிக்கச் செய்ய ஆரோக்கியமான புரோட்டின் நிறைந்த உணவுகளை உண்ணுங்கள். அதோடு கொலாஜனை தூண்டும் இந்த ஃபேஸியல் மாஸ்க்குகள் உங்களின் இழந்த இளமையை மீட்டுத் தரும்.

வெள்ளரி + முட்டைக் கரு மாஸ்க் :

முட்டையின் வெள்ளைக் கருவை அடித்துக் கொள்ளுங்கள். அதில், வெள்ளரிச் சாறு, மற்றும் ஆலிவ் எண்ணெய் கலந்து கொள்ளுங்கள். இந்த கலவையை முகத்தில் தேய்த்து, காய விடுங்கள். பின்னர் குளிர்ந்த நீரால் கழுவவும். மாற்றங்களை கவனிப்பீர்கள்.




கேரட் + கொய்யா மாஸ்க் :

அரை கேரட் மற்றும் அரை கொய்யாப்பழம் எடுத்து துண்டுகளாக்கி மிக்ஸியில் பேஸ்டாக அரைத்துக் கொள்ளுங்கள். இதனுடன் சிறிது பால் கலந்து முகத்தில் போடுங்கள். 15 நிமிடங்கள் கழித்து, கழுவவும்.



அவகாடோ மாஸ்க் :

தேன் - 1 டீஸ் பூன்
அவகாடோ அரைத்தது - 1 டீ ஸ்பூன்
தேங்காய் எண்ணெய் - 1 டீ ஸ்பூன்

இந்த மூன்றையும் கலந்து முகத்தில் தேய்த்து, சில நிமிடங்கள் மசாஜ் செய்யவும். 15 நிமிடங்கள் கழித்து வெதுவெதுப்பான நீரில் கழுவினால் சருமம் மிருதுவாக இளமையாக இருக்கும்.